O telúrico son de bombos e aixadas enche Vilariño de Conso

Boteiros, folións e carrozas percorrían a vila no mediodía do Domingo Gordo ante numerosas persoas

O latexo dos folións e as carreiras dos Boteiros marcaban o ritmo dunha das datas principais do Entroido en Vilariño de Conso: o Domingo Gordo. A festa comezaba o 3 de marzo arredor do mediodía coa lectura do pregón, seguida dos saltos dos Boteiros e do toque do primeiro dos folións, que saía dende o Toural: o de Vilariño de Conso. Despois viña da danza dos Boteiros do Folión do Val, así como os folións de San Cristovo, Conso e Veiguiña, o de Chaguazoso e o de Mormentelos (coa súa comparsa con director incluído e coa recuperada figura do Touro). Todos eles do municipio de Vilariño de Conso.

Da comitiva tamén formaban parte os folións triveses da Caniceira, A Lardeira e As Maceiras, ademais dos de Chandrexa de Queixa e, como broche, o de Carracedo da Serra (A Gudiña). O desfile finalizaba nas proximidades da área recreativa do Cenza e, dende alí, membros dos folións e visitantes encamiñábanse ata o pavillón polideportivo onde se servía a XXX Festa do Cabrito, cunha multitudinaria asistencia. O xantar, servido por Mantesil, incluía empanada, chourizos, cabrito e bica, de sobremesa, ademais de bebidas.

Fotos: Ángeles Rodríguez.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies