O termalismo galego, no Cupón da Once do 15 de marzo

Na presentación, o conselleiro de Cultura recibía unha réplica enmarcada do cupón que xa está a venda e destacaba a importancia que ten esta iniciativa
Acto de presentación do cupón.

Acto de presentación do cupón.

Os espazos termais galegos,reflectido neste caso nas termas romanas de Lugo, chegarán a todos os rincóns do Estado a través dos cinco millóns e medio de cupóns que a ONCE puxo xa á venda para o sorteo do día 15 de marzo.

“Está non é a primeira vez que a ONCE colabora coa difusión de espazos e actividades relacionadas con Galicia xa que dende hai máis de 15 anos veñen promovendo o patrimonio e a cultura galegas a través do deseño dos cupóns”, segundo recordaba o conselleiro de Cultura, Educación e Ordenación Universitaria, Xesús Vázquez Abad, no acto de presentación deste cupón, no que estivo acompañado pola directora de Turismo de Galicia, Nava Castro, polo presidente e xerente da Asociación de Balnearios de Galicia, Antonio Garaloces e Benigno Amor, respectivamente, así como Javier Soto, xerente da Caldaria, e polo delegado territorial da ONCE en Galicia, Manuel Martínez Pan.

Neste mesmo acto, que tiña lugar o 10 de marzo na Cidade da Cultura, Vázquez Abad recibía unha réplica enmarcada do cupón que xa está a venda.

A directora de Turismo de Galicia, pola súa banda, destacaba que a auga termal forma parte dos nosos recursos endóxenos e como destino líder na oferta de termalismo do Estado, tanto en calidade como en cantidade, “temos a opción de configurar produtos turísticos orientados para diversas tipoloxías de viaxeiros”. Asemade lembrou que para a posta en valor desta enorme potencialidade, vense de presentar “o noso Plan de Termalismo, que aproveita as sinerxías creadas entre os diferentes recursos e produtos e incide na especialización e na paquetización dos nosos recursos termais”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies