O conxunto valdeorrés goleaba 7-2 ao Atl. Benavente en Calabagueiros
Cunha contundente vitoria se saldaba o último partido desputado polo Tres Cuñados F.S. no pavillón de Calabagueiros.
Na tarde do sábado 9 de abril, o conxunto valdeorrés (na metade superior da clasificación na liga nacional B) recibía en casa ao Atl. Benavente (na zona baixa) e con claro dominio por parte dos locais, o marcador sentenciaba o encontro co 7-2 final.
Con este resultado e a cinco xornadas para o final de liga, os rapaces de Xocas sitúanse no quinto posto da táboa, empatado a puntos co cuarto clasificado, o M. Bembrive.
A próxima cita para o Tres Cuñados F.S. será o vindeiro sábado 16 de abril no campo do Esteo FS.
Fotos: Carlos G. Hervella.
