Co 3-4 remataba o encontro correspondente á xornada 23ª disputado no pavillón de Calabagueiros
Tres partidos quedan para que remate a liga regular en segunda nacional B e nin a sorte nin os resultados acompañan demasiado ao Tres Cuñados FS que vén de colleitar unha nova derrota, desta volta en casa contra o Guardo, segundo clasificado.
Despois da vitoria 2-3 na cancha do FS San José, os de Xocas comezaban o partido correspondente á xornada 23ª con enerxía e moitas expectativas chegando a marcar tres importantes goles. Pero non foron suficientes e os 4 tantos do Guardo sentenciaron o encontro en Calabagueiros.
Con este resultado o Tres Cuñados sitúase no 9º posto da clasificación nacional, a catro puntos do 8º, o Benavente. A próxima cita para o valdeorreses será na cancha do Leis PFS.
Fotos: Carlos G. Hervella.
