O Tres Cuñados FS vence ao Univ. de Valladolid FS e métese na Copa do Rei

Co 6-3 conseguido en Calabagueiros, o conxunto branco remata a tempada no 3º posto da clasificación en 2ª B

Tíñano complicado pero finalmente o Pizarras Los Tres Cuñados FS conseguía o seu obxectivo: a terceira praza que lle dá opción a xogar a Copa do Rei na vindeira tempada. Lográbano na tarde do 25 de maio en casa, diante da afección, vencendo por un contundente 6-3 ao Universidade de Valladolid FS.

Os rapaces de Xocas Miranda chegaban ao encontro disputado en Calabagueiros, o último da tempada, dende a zona alta da clasificación mentres que os vallisoletanos facíano dende a zona baixa sen xogarse nada e eran os valdeorreses os que abrían o marcador cun tanto visitante en propia meta chegando ao descanso co 2-1 (o segundo gol local foi de Durán).

 

Durán celebrando a vitoria en Calabagueiros.

 

Tralo paso polo vestiario, David marcaba terceiro tanto valdeorrés e malia que os visitantes recurtaban distancias chegando ao 3-2, a partires do segundo gol de Durán no minuto 28, o partido foi de corrido marcando Bencho e Javi. O Valladolid anotaba o terceiro gol no minuto 40 pero co 6-3 final, as bancadas de Calabagueiros erguéronse para celebrar o triunfo.

Con todo, ao Tres Cuñados non lle chegaba a vitoria e tivo que esperar a coñecer o empate entre Cidade de Narón e Xove en terras lucenses, para celebrar o terceiro posto da liga en 2ªB que lle permitirá xogar a vindeira tempada a Copa do Rei por segunda vez. Un premio máis que merecido a unha intensa tempada de moito traballo, bos e malos partidos, non exenta de dificultades.

Fotos: Carlos G. Hervella.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies