ConcellosGalerías de fotosÚltima hora

O único sendeiro estelar nocturno de Galicia, na Veiga

Inaugurábase con motivo da “I Chuvia das Xeminídas en Trevinca”, o 12 de decembro

Medio cento de persoas de diferentes puntos de Galicia asistían á I Chuvia das Xemínidas en Trevinca, o pasado 12 de decembro na Veiga. Entre eles había afeccionados á astronomía, hostaleiros desta zona valdeorresa e familias. O programa de actividades comezaba pola mañá cun obradoiro sobre “Mecánica Celeste e uso de software planetario”, a cargo de Óscar Blanco. Tamén se impartía unha sesión sobre manexo de planisferios celestes adquiridos polo Concello da Veiga e que estarán a disposición dos turistas.

Pola tarde tiña lugar outro novo obradoiro sobre montaxe e manexo de telescopios da man de Pablo Canedo. E, despois dunha cea de confraternidade, ás dez da noite realizábase a ruta inaugural do Sendeiro Estelar do Rañadoiro, o único existente en Galicia, tal e como se destaca dende o Concello da Veiga, que é asemade o único destino “Starlight” do noroeste da península. Nese lugar tiña lugar unha observación do ceo, seguida do concerto “Nanas para Trevinca” a cargo dun grupo de saxofóns.

Fotos: Concello da Veiga
Fotos nocturnas: Carmen Denébola Álvarez

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close