CulturaCulturaÚltima hora

O uso simbólico do seixo en Galicia

A Biblioteca de Verín acollerá o 7 de agosto a presentación dun ensaio de Rafa Quintía sobre esta rocha
Cartaz do acto de presentación deste ensaio sobre o seixo en Verín.
Cartaz do acto de presentación deste ensaio sobre o seixo en Verín.

O seixo é un material abondoso no territorio galego e a súa presenza é tamén moi frecuente dende antigo en todos os hábitats e espazos vitais que as comunidades teñen estruturado ao seu redor. Sobre a utilización cultural que se ten feito ao longo dos séculos desta pedra afonda o antropólogo Rafael Quintía na obra súa obra “Uso simbólico do cuarzo na cultura Galega”, que presentará o vindeiro venres 7 de agosto, ás 19:30 horas na Biblioteca Municipal do Concello de Verín.

A través das páxinas deste libro (editado pola SAGA), Quintía traza o camiño que o home ten escollido para transitar co seixo na man ou na porta da casa; no berce ou na súa sepultura, ademais doutros exemplos. Neste percorrido amósase por vez primeira a transcendencia desta rocha e o contraste co perfil baixo que actualmente ocupa no mundo dos estudos tradicionais. Asemade aborda o o rol do seixo en Galicia como catalizador do mundo das crenzas e indutor da orde nos espazos intrinsecamente simbólicos das sociedades tradicionais.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close