O V “Cociña con Castaña de Galicia” xa ten premiados

As finais deste certame desenvolvíanse o 28 de abril na Aula de Cociña Porto-Muíños en Cambre (A Coruña)

Eran sete receitas finalistas e tres galardóns. O V Certame “Cociña con Castaña de Galicia” decidíase na tarde do 28 de abril na Aula de Cociña Porto-Muíños en Cambre. Na categoría de salgado chegaban á final “Outono na castiñeira” de Carlos Javier González Sánchez e “Falso botillo de castañas” de Juan Lázaro Araújo. Xa nas receitas doces competían “Tarta de castañas” de Juan Carlos Alonso Cortés e “Pannacotta de castañas” de Margarita Iglesias Nuñez.

Tras a fase final, como mellor receita salgada desta edición recoñecíase o “Outono na castiñeira” de Carlos Javier González Sánchez, mentres que na categoría doce o galardón era para Juan Carlos Alonso Cortés con “Tarta de castañas”.

Ademais o certame incluía un apartado para a mellor receita elaborada por estudantes de hostalaría. Desta volta as finalistas eran “Dado de foie-grass con castaña glasse e picada de brona” de Borja Mora Alonso e “Bombón ibérico de castaña confitada e mix de queixos galegos” de Alberto Feros Suárez. O premio correspondíalle á receita de Borja Mora Alonso.

Os galardóns do concurso eran entragados polo presidente da IXP Castaña de Galicia, Jesús Quintá. Dende este consello regulador amosábase o seu agradecemento “a todos os participantes desta edición pola vosa creatividades e boas ideas nos pratos elaborados e a nosa máis sinceira noraboa aos gañadores”.

O concurso ten sido organizado, un ano máis, pola IXP Castaña de Galicia. O acto incluía tamén un sorteo de lotes de produtos galegos de calidade entre o público asistente, así como unha demostración e degustación de pratos feitos con castaña.

Fotos cedidas por IXP Castaña de Galicia.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies