Manzaneda convértese nessta fin de semana no “referente da música popular galega”, coa celebración da XIII edición do Certame Celtibérico de Bandas de Gaitas, o V Serán da Seitura e a Noite Celta.
O programa arrancba na tarde deste sábado 30 de xullo na praza da Igualdade de Manzaneda, a carón do monumento a Ludivina Peréz Ricoy, coa celebración do V Serán da Seitura, enmarcado na homenaxe ás cantoras Clotilde Salgado, Consuelo López e Aquilino de Bidueira.
Nesta cita, presentada polos regueifeiros Lupe Blanco e Kike Estévez, actuaban por este orde: a violinista María Rodríguez, neta de Ludivina; as cantoras Clotilde e Consuelo de Soulecín; o grupo de acordeóns Airiños da Porta Falsa de Manzaneda; os catores Aquilino de Bidueira e Jacinta de Lentellais; o grupo de gaitas e baile Pinguela de Manzaneda; os cantores Blandina de Catarós, Digna e Fiuca de Trives e Rogelio de Aceveda; as Cantareiras da Real Banda, pastoras de Santa Baia de Montes; e a real Banda de Gaitas Xuvenil.
Todos os participantes recibían un diploma de mans do organizador, Xosé Lois Foxo e do alcalde de Manzaneda Amable Fernández. Ademais, os homenaxeados recibían unha medalla.
Hoxe pola noite celébrase na estación de montaña de Manzaneda a Noite Celta e mañá, a partir das 11:30 horas o campo de competicións de Cabeza de Manzaneda acollerá a fase final da XIII edición do Certame Celtibérico de Bandas de Gaitas.
Fotos e vídeos: Mónica G. Bellver.