SanidadeÚltima hora

O “V Simposio Biopsia Líquida. Camiño á oncoloxía de precisión” estase a desenvolver en Santiago

Está coordinado polo doutor vilamartinés Rafael López, xefe do Servizo de Oncoloxía do Hospital Clínico Universitario de Santiago

 

 

Do 23 ao 26 de xaneiro Santiago acollerá o “V Simposio Biopsia Líquida. Camiño á oncoloxía de precisión”, coordinado polo doutor vilamartinés Rafael López, xefe do Servizo de Oncoloxía do Hospital Clínico Universitario de Santiago. Numerosos investigadores e oncólogos expertos en medicina de precisión participan neste foro internacional, promovido polo Grupo de Oncoloxía Médica Translacional (ONCOMET).

“Abordaremos a temática dende ópticas tan atractivas como a utilidade clínica, os progresos no coñecemento biolóxico e os continuos avances tecnolóxicos, todo iso nun escenario de formación, discusión e plantexamento de retos futuros”, segundo a organización.

O acto de apertura celebrábase na mañá deste 24 de xaneiro e contaba coa asistencia do conselleiro de Sanidade, Jesús Vázquez Almuiña, quen anunciaba que a Consellería de Sanidade está a redactar o novo Plan Galego contra o cancro coa participación de distintos profesionais sanitarios, e outras institucións e axentes implicados, e contando cos pacientes.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close