Nesta edición, celebrada na noite do 10 de agosto, actuaban Os Festicultores, Familia Caamagno e Guezos
Música galega para abrir o programa das festas de Viana do Bolo. A Praza Maior da vila acollía na noite do 10 de agosto a primeira proposta do programa: o V Xostra Rock. Este festival achegaba, como en anos anteriores, tres bandas galegas con estilos moi diversos.
Os primeiros en subirse ao escenario eran Os Festicultores de Xinzo de Limia. Tocaban a partires das dez da noite enchendo co seu ritmo trepidante e contaxioso a vila. A continuación viña a Familia Caamagno, unha banda coruñesa, e finalmente actuaba o grupo de rock-pop-folk ourensán Guezos, con sete compoñentes e que inclúe instrumentos como o teclado, o acordeón, a guitarra eléctrica, a batería, a gaita ou o whistle.
Fotos: Carlos G. Hervella.