O valdeorrés Alejo Ares, imbatible no campionato galego de 5 km

O atleta do Adas engade un novo título á súa destacada tempada tras esta proba, que tiña lugar en Vimianzo o 2 de setembro

 

O valdeorrés Alejo Ares, no podio do galego de 5 km en Vimianzo./ Foto: Club Adas.

Cumpríanse os pronósticos e o valdeorrés Alejo Ares volvía a subirse ao podio, desta volta ao do Campionato de Galicia dos 5 km, que se desenvolvía o 2 de setembro en Vimianzo. O atleta do Club Adas remataba a competición cunha marca de 15:06, sacándolle uns 20 segundos ao segundo clasificado, Jorge Puig (CA Santiago). Dende o km 3 marcou distancia cos seus perseguidores chegando en solitario á meta.

Ares suma deste xeito suma un novo título “aos seus ouros galegos dos 3.000 m. en pista cuberta, a dos 3.000 obstáculos do aire libre e ao seu bronce do Campionato de España dos 10 km”, tal e como se destaca dende a Federación Galega de Atletismo (FGA).

A mellor atleta da carreira era Paula Mayobre (Clínicas Dental Seoane Pampín), cun rexistro de 16:48, o que supón un novo récord galego absoluto da distancia, que substitúe aos 16:55 de Esther Navarrete, segundo indica a FGA.

Nesta mesma cita o Club Adas do Barco colleitaba outros dous podios. Aída Martínez (20:40) vencía na categoría feminina Sub20 sen apenas apuros, mentras que en Sub18 impoñíase Sonsoles Martín (20:12) e Marta Ballesteros quedaba segunda.

Neste galego dos 5 km tamén participaban outros atletas do Adas: Fernando González e Marco Paulo en Máster, ademais de María Martín, que sería 3 na popular.

 

Podio feminino Sub18, coas dúas atletas do Adas./ Foto: Club Adas.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies