Un dos referentes da axenda atlética española da vindeira fin de semana será a marcha. Sevilla reunirá aos mellores especialistas das distintas categorías e distancias desta disciplina no Campionato de España na procura das primeiras medallas do ano en ruta.
Na categoría máster de 20 km tomará a saída o valdeorrés José Fernández (Real Club Celta de Vigo) quen xa o ano pasado ocupaba o subcampionato nacional, entrando tras o marchador coruñés Juan Morales del Castillo do Marineda Atlético, que novamente este ano será o seu principal rival nesta cita española.