DeportesGalerías de fotosÚltima hora

O Verín C.F. ratifica o seu liderado en solitario trala vitoria ante o Bande

Co 3-1 remataba o partido da xornada 9 en primeira Galicia disputado no campo José Arjiz

 

A piques de cumprir 50 anos (celebrarán o aniversario no 2021), o Verín C.F. é un dos clubs históricos da provincia de Ourense que nesta tempada comezaba unha nova etapa. Nova xunta rectora, novo adestrador e unha enerxías renovadas que están devolvendo a ilusión ao club.

Despois dunha mala racha, e ante a posibilidade de que o club chegase a desaparecer, alá polo mes de xullo reuníanse un grupo de persoas vencelladas ao club verinés, decididas a facerse cargo do equipo. Presidida por José Manuel Zubiela, presidente ata hai dúas tempadas, forman parte da xunta xente tan coñecida como o deputado e tamén ex presidente da entidade Juan Carlos Francisco, ou o actual concelleiro de Deportes de Verín José Luis Martín.

 

Once titular do Verín no partido contra o Bande.

 

Comezaba así unha nova etapa no club vermello, con nova captación de socios e patrocinadores, venda de bufandas e outros artigos de merchandising,… Tamén houbo cambio no corpo técnico, con Manel Vázquez á fronte dun renovado plantel; e no sistema de xogo que levou ao equipo que milita en primeira Galicia ata o máis alto da clasificación.

 

O adestrador do Verín C.F. Manel Vázquez.

 

Oito vitorias e un único empate en nove xornadas, ratifican o bo estado de forma do conxunto verinés que é máis líder que nunca (en solitario e a 8 puntos do segundo clasificado) trala última vitoria en casa, no campo José Arjiz, por 3-1 ante outro dos favoritos, a S.D. Bande.

 

Membros da directiva do club verinés.

 

O arranque verinense na tarde do 3 de novembro foi coma un ciclón, pero non sería ata o minuto 36 cando Víctor Gallego adiantaba aos locais poñendo o 1-0 no marcador. Rozando xa o descanso Asier Seijas marcaba o gol do empate para o Bande. Xa na segunda metade do encontro, correspondente á xornada 9, Camba, unha das fichaxes desta tempada poñía o 2-1 (minuto 66), sendo outro dos reforzos do plantel, Campelo, quen sentenciaba o encontro co tercero gol local no 72′.

A seguinte cita para o Verín C.F. será no campo dos Carrís (Barbadás) a vindeira fin de semana para enfrontarse á S.D. Valenzá, quinta clasificada.

 

Juan Carlos Francisco, directivo do Verín C.F.

 

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close