Aproveitaba as oportunidades e sacaba adiante, por goleada un solvente partido desputado na casa fronte ao CD Valladares na tarde do 5 de marzo. O Verín CF encetaba o marcador cun gol de Enio no minuto 22. Pola súa banda, o Valladares, a pesar dos esforzos, non lograba aproveitar as oportunidades e os tantos non chegaban.
Xa na segunda parte, o Verín lograba o seu segundo gol, da man de David Rodríguez no minuto 55, aproveitando un erro do conxunto visitante. O Valladares seguía tentando a sorte, pero sen éxito na portería. E, minutos antes do remate do tempo do xogo, Dani Rozen aproveitaba outra oportunidade e anotaba o terceiro gol para o Verín. Tres puntos na xornada 27 da preferente sur que lle serven a este equipo para aferrarse á categoría.
Fotos: Carlos G. Hervella
