Un ambiente moi especial de música, canto e bailes se vivía na noite do 26 de novembro en Trives da man dos VI Cantos de Taberna que organiza a Asociación Cultural A Caniceira. Un total de dez grupos percorrían (con rutas diferentes) os 13 establecementos de hostalaría da vila que participaban na iniciativa: A Cantina do Catro, Ardora, Bodegón, Boliche, Cafeto, Casanova, Paiño, San Martín, Manolo’s, Quintela, Sky e Troula.
En cada un deles os grupos de músicos eran recibidos con bebida e diferentes pinchos, nun traxecto que se prolongaba ata a madrugada. Eran ademais moitas as persoas que se animaban e acudían aos locais para desfrutar das actuacións.
Fotos: Carlos G. Hervella.
Máis información e fotos na edición en papel do Periódico O Sil.
