ConcellosGalerías de fotosÚltima hora

O VII Concurso de Gastronomía ‘Cigarrón de Verín’, en premios

Este certame tiña lugar na fin de semana do 5 e 6 de abril no pavillón de deportes de Verín

Catro categorías para demostrar o talento gastronómico. Profesionais da restauración, alumnos de escolas de hostalaría e afeccionados ao mundo da cociña esforzábanse entre os fogóns para optar aos premios da sétima edición do Concurso de Gastronomía ‘Cigarrón de Verín’, que tiña como marco a Feira do Lázaro e o Certame Gastronómico ‘Vila de Verín’ na fin de semana do 5 e 6 de abril.

Despois de preparar os pratos, prato principal ou sobremesa, en show cooking -cociña en vivo- e maridalos con viño da D.O. Monterrei durante a presentación; o xurado (composto por Beatriz Sotelo -do restaurante ‘A Estación’ de Cambre, que conta cunha estrela da Guía Michelín, e integrante do grupo Nove-, Diego López -do restaurante ‘La Molinera’ de Lalín e premiado como Cociñeiro do Ano de Galicia no Fórum Gastronómico-, Jorge Paulo -director da Escola Profissional de Chaves- e Román Dacosta Fernández -premio Cigarrón Doce 2013 e do restaurante ‘A Chabola’) decidía o nome dos ganadores desta edición nas categorías: Gran Cigarrón e Cigarrón Doce (en ambos casos nas categorías de alumnos ou profesionais e afeccionados).

Así na primeira delas os premios correspondéronlles a de Fábio Magré e Vasco Martins (Escola Profissional de Chaves) e a Anabel Dacosta Vázquez. No caso do Cigarrón Doce os ganadores foron, asemade, Fábio Rúas e Luis Santos (Escola Profissional de Chaves e María Luna e Iván Berlana.

Durante o acto de entrega de premios tamén repartiron os do Concurso de Entroido dos Viños de Monterrei.

Fotos: cedidas polo Concello de Verín

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close