A VII edición do Festival Internacional da Canción Popular, enmarcado dentro da actividade do IGF (International Union of Folklore Associations) Caravan 2018, reunirá en Ourense a grupos de sete países entre o 21 e o 24 de xuño.
Nesta iniciativa cultural que conxuga música e canto tradicional, actuarán grupos de Israel, Italia, Bulgaria, Romanía, Portugal, Serbia e España. Comezará o día 21 de xuño, no Balneario de Arnoia, ás 21 horas e continuará ao día seguinte na praza de San Martiño en Ourense, á mesma hora. O día 23 de xuño, os concertos serán na Estación Termal de Outariz ás 23 horas, e o día 24 de xuño, será no Balneario de Laias, ás 20 horas.
Ademais das actuacións musicais, os artistas serán recibidos en diferentes institucións públicas e o Festival será clausurado en Laias cunha “gala na que tódolos artistas mesturarán o termalismo coa música”, sinalou na presentación o director do festival, José Antonio Viñas.
