A vila de Manzaneda convertíase hoxe no centro de referencia do humor no rural. Da man de La Ruína Producciónes, celebrábase o primeiro Festival da Comedia coa actuación de tres cómicos de primeiro nivel (Dani Fontecha o Sr. Rogelio de El Hormiguero; Duarte Galbán da TVG; e Xosé Antonio Touriñán), música e como non gastronomía.
De feito era o xantar popular, que reunía a unhas 200 persoas no pavillón de Manzaneda, o que marcaba dalgún xeito o inicio do festival que se estenderá ata altas horas da madrugada, coa actuación de El Pacto Rock Band, músicos profesionais como Javier Alzola saxofonista da banda Fito Fitopaldis e finalmente Dj Cabra.
O xantar, elaborado e servido pola organización, incluía ensalada fría de patacas, empanada, paella e carne asada con patacas cocidas, ademais de bebida e bica.
Fotos: Carlos G. Hervella.
