EconomíaEconomíaÚltima hora

O XI SImposio de Enerxías Renovables céntrase na arquitectura con eficiencia enerxética

O simposio terá lugar este xoves, 15 de xuño, en Expourense e contará coa participación dos principais gurús de España e Suíza
Alberto de Paula, Ignacio de Juan, José Aldemira, Lucía Novelle e Emma González presentaron o Simposio.

Poñer en valor o papel que xoga a arquitectura na construción de edificios autosostibles que consomen unha enerxía próxima a cero. Este será o obxectivo principal do XI Simposio sobre Enerxías Renovables que se celebra en Expourense este xoves, 15 de xuño, e que reunirá aos principais expertos nesta materia en España e que contará tamén coa participación de dous relatores de Suíza. Esta xornada, que naceu hai once anos para divulgar o uso das enerxías renovables e a eficiencia enerxética, dá un paso máis especializándose no ámbito da arquitectura e da edificación partindo da base de que a enerxia máis limpa e a que non se consome.

Esta actividade está organizada por Expourense coa asesoría da empresa Investigación Geotérmica (INGEO) e conta coa colaboración de Gas Natural Galicia. Está dirixida a profesionais da edificación, dende arquitectos a aparelladores, enxeñeiros, construtores ou instaladores.

Este simposio foi presentado hoxe, 13 de xuño, nun acto no que participaron o presidente do Colexio de Arquitectos de Ourense, Alberto de Paula; o representante do Colexio de Aparelladores, Ignacio de Juan; o vicedecano do Colexio de Enxeñeiros Técnicos Industriais, José Aldemira; a representante de INGEO, Lucía Novelle; e a directora adxunta de Expourense, Emma González. Todos eles destacaron a calidade e relevancia dos relatores e o interese das ponencias para os profesionais do sector.

Tal e como explicou a representante de INGEO, Lucía Novelle, “esta xornada é pioneira neste sector. Sempre se analiza o papel das instalacións que producen enerxía nos edificios pero esta vez imos analizar o papel que xoga o deseño dese edificio á hora de falar de eficiencia enerxética e para iso contamos coa participación dos principais gurús de España e de Suíza que teñen realizado proxectos por todo o Mundo”. Falarase pois de “arquitectura sostible”, un concepto que inclúe dende os materiais que se utilizan na edificación (de kilómetros cero, con materiais locais) ata o estudio pormenorizado do clima existente no lugaronde se vai construir o edificio.

O primeiro relator deste simposio será o Catedrático de Construción e Tecnoloxía Arquitectónica da Escola Técnica Superior de Arquitectura de Madrid, Javier Neila. Este simposio inclúe ademais a participación do arquitecto galego con maior proxección internacional, César Portela, Catedrático de Proxectos Arquitectónicos da Escola Técnica Superior de Arquitectura da Universidade de A Coruña. Impartirá unha ponencia titulada “Retrospectiva, a madeira como protagonista”.

A xornada continuará coa intervención do delegado en Galicia de Gas Natural, Fernando Campos, que explicará as “Tecnoloxías que emprega Gas Natural O mellor socio para o desenvolvemento das enerxías renovables”. A continuación intervirá Óscar Martínez, o enexeñeiro consultor no que confían os mellores arquitectos do mundo e ao que lle piden asesoramento á hora de comezar unha obra en España. Falará sobre “a solución xeotérmica na integración arquitectónica de edificios emblemáticos”.

A sesión de tarde comezará coas ponencias dos representantes de Suiza que representan ao estudio Chiché Architecs, unha das principais referencias europeas no sector da eficiencia enerxética e autores do libro “Concepto enerxético na arquitectura”. Lionel Chiché e María Taboada serán os relatores que presentarán exemplos reais de edificios de “Consumo próximo a O” en Suíza.

O simposium continuará coa participación do arquitecto catalán Joan Lluis Casajuana, autor da rehabilitación arquitectónica e enerxética da Residencia Infantil Joan Riu que sirve de referencia para os profesionais do sector. Pola súa parte o enxeñeiro vasco Ricardo García San José, falará sobre os “Parámetros clave na eficiencia enerxética dos edificios, leccións aprendidas”.

A consultora cántabra de CITECAM iNUBO, Laura Sainz de la Mata falará sobre “Edificios conectados para a mellora da eficiencia enerxética” e presentará novos sistemas de monitorización e sensorización para controlar o consumo de enerxía no fogar o una empresa.

O último dos relatores deste simposio será Manuel García Álvarez, xerente de Magaral Ingeniería (A Coruña) que presentará o caso práctico da rehabilitación como eficiente do edificio Parque de Ourense (antigo Hotel Parque). Esta empresa é ademais a responsable da instalación dos sistemas de climatización do céspede e das gradas do estadio de fútbol Santiago Bernabeu en Madrid.

De xeito complementario, haberá un espazo expositivo para aquelas empresas que queren presentar os seus produtos relacionados coa eficiencia enerxética e as enerxías renovables.

Ten un custo de 30 euros e inclúe o almorzo (50% de desconto para desempregados) e precisa de inscrición previa enviando un mail a expourense@expourense.org ou chamando ao teléfono 988 366 030. As ponencias impartiranse entre as 10:00 e as 19:00 horas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close