O xornalista Lalo Pavón será homenaxeado polo Concello de Parada de Sil

O acto celebrarase o 11 de maio no marco do Día das Letras Galegas

Lalo Pavón será homenaxeado en Parada de Sil.

Naceu en Seixalbo pero o xornalista ourensán Lalo Pavón ten, dende hai anos, unha estreita relación con Parada de Sil. É o autor do Manual de Boas Prácticas de Parada de Sil, que “pretende facer de Parada un concello amable e acolledor cos visitantes así como unha serie de fichas turísticas sobre os enclaves máis singulares do propio municipio, con textos sobre os aspectos máis definitorios dos mesmos”, explican dende o Concello, asegurando que “é moi importante e máis neste intre clave para a Ribeira Sacra que vai a ser proposta como candidatura única do goberno de España a Patrimonio da Humanidade.

Ademais, xunto coa súa dona e cuñada é unha das persoas que máis teñen que ver coa recuperación e posta en valor da casa Museo do Chocolate en Teimende, que está a recibir numerosas visitas ó longo do ano. Esta vinculación con Parada de Sil e o seu labor a prol do galego son os motivos que, segundo o alcalde accidental Aquilino Domínguez, levaron a fundamentar a proposta de rendirlle a homenaxe das Letras Galegas deste ano, un evento que levan once anos celebrando.

Así, o acto adicado a Lalo Pavón comezará ás 11:30 h. do 11 de maio na Casa do Concello, e incluirá a actuación da Coral Vellos Amigos de Manolo de Dios, a proxección dun vídeo sobre o homenaxeado e a entrega de premios do VII Concurso de Microrrelatos Concello de Parada de Sil-Ribeira Sacra.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies