Os obradoiros que vén desenvolvendo no Barco o Centro de Promoción de Produtos Tradicionais (CPT) achéganse desta volta ao mundo dos cogomelos. Así, esta entidade organizará o día 27 de xuño un curso sobre “Conservación e elaboración artesanal de produtos con cogomelos”. Impartirase no comedor do IES Martaguisela da vila barquense cun horario de 9:30h. a 14h.
Ao longo deste obradoiro proxectaranse diapositivas explicativas sobre diferentes tipos de cogomelos, abordarase a súa conservación e limpeza, así como a súa elaboración en conserva (xugo e crema).
Esta acción formativa é gratuíta. As persoas interesadas poderán anotarse no mesmo CPT (edificio multiusos do Barco, baixo), no teléfono 988 320202 ou no correo electrónico cpt@eixointerior.com. O número de prazas é limitado.
