SanidadeÚltima hora

Obradoiro de lactancia materna para embarazadas, o 7 de novembro no Barco

Será organizado por De Nai a Nai e impartirase no local desta asociación ás 18h.
Imaxe dun obradoiro impartido anteriomente por De Nai a Nai./ Foto: A.R.

Achegar o mundo da lactancia materna e informar ás futuras nais deste xeito natural de alimentar ao seu fillo. Este é o obxectivo do obradoiro de “Lactancia Materna para embarazadas” que o grupo de apego á lactancia e crianza con apego “De Nai a Nai” organizará o vindeiro 7 de novembro ás 18h. na súa sede no Barco (no 4º andar do edificio da Biblioteca).

“Esta será a cuarta edición deste obradoiro, que a partir de agora realizaremos dúas veces ao ano para dar acceso a todas as mulleres a información actualizada sobre lactancia coa finalidade de que tomen unha decisión informada sobre a maneira de alimentar ao seu bebé. Abrímoslles así as portas da nosa asociación para que nos coñezan e saiban que podemos axudalas coa súa lactancia materna, recibindo asesoramento de profesionais e todo o apoio doutras nais que xa superaron retos similares aos que as recentes nais vanse enfrontar”, explica Lorena Prada, presidenta de De Nai a Nai.

Ademais dende esta entidade destácase que é “fundamental prepararse de certa maneira para a lactancia, xa que na nosa sociedade actual non convivimos con mulleres lactantes, hai moitísimos mitos ao respecto e ao noso arredor xurden consellos contraproducentes aínda coa intención de axudar”.

Para máis información sobre este obradoiro: teléfono 629471830.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close