A través do xogo os máis pequenos descubrirán como era a vida cotiá en tempos tan remotos como os do antigo Exipto, Roma, Grecia ou mesmo na Europa da Idade Media. Durante esta semana o espazo da Casiña Azul, en San Xoán de Río, acollerá unha serie de obradoiros, con numerosas actividades, baixo o título “A semana da Historia Antiga”.
Van dirixidos a nenos a partir de 4 anos e impartiranse en horario de 17:30h. a 19h. (agás o mércores). Esta iniciativa lúdica e formativa está integrada no programa de actividade de verán do Concello de San Xoán de Río.
