Os máis pequenos convertíanse nos protagonistas principais da celebración do Día das Letras Galegas en Trives, pero sen deixar de lado a participación dos maiores. Para conmemorar esta data tan especial da cultura galega, o Concello de Trives organizaba unha serie de actividades que se celebraban entre o 15 e o 17 de maio na vila.
Así o vernes día 15 pola tarde, na praza do Pilón, tiña lugar un “Obradoiro de Baile Tradicional”, unha xornada de iniciación ao baile tradicional galego, no que participaron grandes e pequenos animadamente.
Para o domingo 17 programábanse distintas actividades ao longo da mañá. Así realizábase o segundo “Correlingua” (carreira en prol da lingua) de Trives, e, ademais desta proposta lúdico-deportiva, impartíanse obradoiros para os cativos, lecturas de textos de Xosé Filgueira Valverde, figura homenaxeada este ano nas Letras Galegas, e solta de globos. Os asistentes foron agasallados cunha bandana para o pescozo.
Fotos: Concello de Trives.