CulturaCulturaÚltima hora

Obradoiros, contacontos e moita literatura na Feira do Libro do Barco

Unha decena de expositores participarán na mostra prevista para o 27 e 28 de abril
Expositores na anterior edición da Feira do Libro do Barco. /Foto: Mónica G. Bellver.

A praza José Otero é o lugar elixido este ano polo Concello do Barco de Valdeorras para a celebración da Feira do Libro prevista para esta fin de semana. Unha mostra na que participarán unha decena de expositores: Libraría Celia (Quiroga), Libraría Lipor (A Rúa), Libraría Murciego, Libro Antigo e de Colección David, Libraría Praxis, Asociación Vagalume, Peludines Callejeros, Ateneo Republicano, IEV e Cineclub Groucho Marx.

Quen se achegue ata a praza tanto o sábado como o domingo poderá ver e mercar libros (tanto clásicos como últimas novidades) , pero a feira inclúe unha serie de actividades complementarias para todos os públicos que se desenvolverán no propio recinto. O programa arrancará o sábado ás 13horas coa presentación da Colección OF de fotografía da editorial difusora coordinada polo barquense Víctor Nieves. E xa pola tarde, ás 17 horas haberá dous obradoiros. Un dirixido a pais, nais e adultos que queiran mellorar as súas capacidades como contacontos que se desenvolverá no 4º andar do edificio da Biblioteca P. M. Florencio Delgado Gurriarán; e outro a cargo de Peludines para aprender a coidar ás nosas mascotas.

O domingo ás 13:30 horas será a quenda para a presentación do poemario Detéxtonos de Xabier Xil Xardón nun espectáculo musical no que o acompaña Leo i Arremecaghona. Pola tarde, ás 17 horas haberá un Contacontos Perruno, para nenos de entre 1 e 6 anos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close