Con formación celébrase en Verín o Día Internacional das Mulleres. En concreto a través de tres obradoiros. Os dous primeiros tiñan lugar os días 8 e 9 de marzo e eran, respectivamente, sobre “Igualdade e Empoderamento” (impartido polo CIM Concello de Verín) e sobre “Empoderamento laboral das mulleres” (a cargo de O&M Xestión). O derradeiro obradoiro está programado para o 10 de marzo e estará dedicado ao “Empoderamento erótico” (impartido por Los placeres de Lola).
A organización dos tres vén da man do Centro de Información ás Mulleres-CIM de Verín e con esta iniciativa preténdese “formar e aportar os coñecementos necesarios para desenvolver itinerarios persoais e colectivos que posibiliten a consecución da igualdade real e efectiva, tomando conciencia das desigualdades e pondo en valor as potencialidades coma mulleres para superar as mesmas”, segundo o Concello de Verín. Asemade búscase consolidar “para Verín e Comarca, unha Escola de Empoderamento para a Igualdade e Empoderamento das mulleres, na que se programen obradoiros periódicos de distintos temas de interese”.
