ConcellosGalerías de fotosÚltima hora

Obradoiros sobre as directrices da paisaxe galega no oriente ourensán

A Gudiña, Viana do Bolo, Manzaneda e O Barco acollían ao longo do 12 de marzo diversas xornadas públicas sobre este tema

 

Para trazar as principais directrices da paisaxe das comarcas galegas a Consellería de Medio Ambiente e Ordenación do Territorio está desenvolver unha serie de obradoiros pola comunidade. Serán un total de 50, un por cada unha das 50 comarcas paisaxísticas nas que se divide o territorio de Galicia. Catro deses obradoiros tiñan lugar o 12 de marzo na Gudiña, Viana do Bolo, Manzaneda e O Barco (ao que corresponden as imaxes desta galería).

No decurso destes encontros os participantes poden expresar as súas aspiracións en canto aos obxectivos de calidade paisaxística, é dicir, as súas preferencias con relación ás características paisaxísticas da súa contorna, así como a súa opinión sobre as posibles medidas de protección, planificación e xestión da paisaxe.

Ademais traballaban coa plataforma web, na que puideron valorar os principais tipos de paisaxe da súa comarca paisaxística e elixir os tipos de paisaxe preferidos de cara á súa planificación futura. Ao mesmo, a través desta web os usuarios localizaron os puntos relevantes dende a perspectiva paisaxística e asignáronlles unha valoración, determinando os elementos que os compoñen e propoñendo medidas de actuación para os mesmos.

Estes obradoiros combínanse coa posta en marcha dunha plataforma web participativa a través da cal calquera persoa, dende calquera lugar, poderá aportar a súa opinión para o deseño das directrices da paisaxe galega. Esta plataforma está dispoñible na dirección https://sixot.es/Paisaxe.

O proceso de participación para elaborar as “Directrices da Paisaxe de Galicia” vén a completar o proceso realizado previamente para a elaboración do “Catálogo das Paisaxes de Galicia”, que agora se atopa en proceso de exposición pública. Estas directrices, xunto co Catálogo, conformarán o futuro “Atlas das Paisaxes de Galicia”.

 

Fotos: Ángeles Rodríguez

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close