Obras de rehabilitación de infraestruturas de saneamento no casco antigo barquense

Esta actuación, que se desenvolverá no alcantarillado das rúas San Roque, Real e San Mauro; terá lugar do 22 ao 26 de abril

A partires do vindeiro 22 de abril o Concello do Barco levará a cabo obras de rehabilitación das infraestruturas de saneamento en tres rúas de casco antigo barquense: San Roque, Real e San Mauro. As obras prolongaranse ata o vindeiro 26 de abril e faranse dende as 7:30h. da mañá e ao longo de toda a xornada, segundo se sinala en notas informativas do Concello do Barco e da empresa que se encargará de realizalas (Stlima), postas en diferentes puntos das citadas rúas.

“Nestas obras vaise aplicar o método de encamisado de tuberías con manga flexible. Esta tecnoloxía permite evitar zanxa e destaca pola súa rapidez, ademais de representar unha solución a longo prazo para as tuberías de saneamento que quedan completamente renovada”, segundo a información dos citados avisos.

Durante esta intervención a empresa pídelles a súa colaboración aos veciños para que utilicen a mínima cantidade de auga posible. Tamén lles recomenda que tapen todos os desaugües das casas, xa que durante o proceso de traballo utilizarase unha substancia “totalmente inocua”, pero cun “lixeiro olor parecido ao gas”.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies