O Ministerio de Agricultura, Alimentación e Medio Ambiente (Magrama) executará, a través da Confederación Hidrográfica do Miño-Sil, unha serie de actuacións para paliar os danos ocasionados no Dominio Público Hidráulico polos 25 temporais de intensas chuvias que afectaron á provincia de Ourense entre o 15 de decembro de 2013 e o 15 de febreiro deste ano. Neste período rexistráronse o 60% das precipitacións que corresponderían a un ano hidrolóxico normal.
Estas intervencións suporán un investimento de máis de 1,2 millóns de euros, segundo anunciaba o delegado do Goberno en Galicia, Samuel Juárez, na visita realizada á cidade de Ourense o 12 de marzo.
As actuacións refírense a zonas dos ríos Caldo, Limia e afluentes; dos ríos Miño, Sil e afluente; e do ríos Matabois, Requeixo e Loboreiro.