Espazo Común presentaras ás eleccións municipais en Carballeda de Valdeorras cunha lista liderada por Odilo Fernández, de 46 anos e ex-encargado de canteira. Este candidato segura que o seu proxecto busca “recuperar e potenciar os recursos patrimonais e naturais da contorna”, así como “desenvolver unha bolsa de traballo que permita un acceso ás ofertas laborais en condicións de igualdade” e que “sirva de freo a posibles seleccións a dedo e corrupción”.
O número 1 de Espazo Común en Carballeda de Valdeorras considera fundamental potenciar o Camiño de Santiago no municipio, onde se atopan a maior parte das canteiras de lousa, que “producen miles de toneladas de
residuos que se poderían empregar para empedrar e mellorar o camiño”.
Ademais, engade que “debería desenvolverse unha rede de pequenos negocios enfocados ao turismo no Camiño de Santiago, así como apoiar aos que xa traballan neste sentido”.
