EconomíaEconomíaÚltima hora

Oito restaurantes do Barco participarán no I concurso de maridanza do Entroido

O certame, organizado por AEVA e O Barco CCA, celebrarase no marco das XX Xornadas Gastronómicas, do 28 de febreiro ao 9 de marzo
Doces típicos do Entroido. /Foto: Carlos G. Hervella.

As Xornadas Gastronómicas do Entroido organizadas por AEVA e O Barco CCA cumpren XX anos e para celebralo, incorporan unha interesante novidade: o I concurso de maridanza que se desenvolverá do 28 de febreiro ao 9 de marzo.

Trátase dunha iniciativa que nace co principal obxectivo de unir os sabores do Entroido co viño da D.O. Valdeorras, fomentando o coñecemento do sector vitivinícola entre a sociedade. Nesta primeira edición participarán oito establecementos hostaleiros do Barco que elaborarán un menú pechado con primeiro e segundo prato e sobremesa, sendo o primeiro o que se maridará cun viño de Valdeorras. O prezo incluirá media copa do caldo proposto polo restaurante e o comensal decidirá se desexa continuar con el para o segundo.

O día 9 de marzo un xurado profesional visitará os restaurantes para catar e valorar as súas maridaxes pero o público poderá tamén valoralas cubrindo as fichas que lles entregarán co menú.

Con respecto aos premios haberá dúas categorías: premios aos restaurantes (trofeo e diploma á mellor maridanza con branco e á mellor maridanza con tinto, ademais dun certificado de participación a todos os establecementos participantes); e ao xurado popular, co sorteo de seis visitas de Enoturismo para dúas persoas a adegas da Ruta do Viño de Valdeorras con cata.

Tamén haberá premio á mellor foto do Entroido. Entre as imaxes recibidas (cun elemento identificativo do restaurante, prato e viño) sortearanse dúas visitas de Enoturismo para dúas persoas. Este concurso farase en Instagram co hastag #maridanzanoentroido.

Na iniciativa colaboran o Consello Regulador da Denominación de Orixe Valdeorras, a Asociación Ruta do Viño de Valdeorras e o Concello do Barco e inclúe unha xornada formativa teórico-práctica de maridaxe, dirixida a hostaleiros e empreados, que se celebrará o luns 25 de febreiro a partir das 17 horas.

 

Restaurantes participantes nas xornadas e menús.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close