En portadaÚltima hora

Oito viños valdeorreses, no podium dos Premios Bacchus 2017

Nestes galardóns que outorga a Unión Española de Catadores tamén resultaban distinguidos outros seis viños da D.O. Ribeiro

 

Viños galardoados co Gran Bacchus de Ouro na edición do 2017. Entre eles está o valdeorrés Guitián fermentado en barrica 2014./ Foto: UEC.

Con ata quince galardóns vén de recoñecerse a calidade dos viños ourensáns no XV Concurso Internacional dos Premios Bacchus, que se celebraba do 10 ao 13 de marzo en Madrid. Dentro do palmarés destaca o Gran Bacchus de Ouro que colleitaba o Guitián fermentado en barrica 2014 de Bodegas La Tapada SAT (Rubiá), da Denominación de Orixe Valdeorras. Era o único viño ourensán que conseguía esta distinción e un dos catro galegos en acadala.

Pero había máis caldos valdeorreses distinguidos no certame, xa que lograban facerse co Bacchus de Ouro o godello da adega ruesa A Coroa 2016 e  O Luar do Sil godello sobre lías 2015 de Pago de los Capellanes (Seadur, Larouco). Ademais conseguían un Bacchus de prata o Avancia Cuevee godello 2015 de Avancia, Fernando González 2015  (Viña Valdeiga, SL), Hacienda Ucediños godello 2016 (E.S. Paradelo C.B.), o Pagos de Galir godello 2016 (Virxe de Galir) e o Viña Costeira mencía 2015 (Viña Costeira SCG).

O palmarés dos Premios Bacchus 2017 tamén inclúe outros seis viños da Denominación de Orixe Ribeiro. Trátase de Priorato de Razamonde 2016 que conseguía o Bacchus de Ouro, e xa cos de prata: Ramón do Casar treixadura 2016, Finca Viñoa 2015, Pé de Perdiz treixadura 2016, Modus Vivendi 2015 e Sameirás 2015.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close