Esta actividade de atletismo desenvolvíase no campo de fútbol de O Agro
Lanzamentos de xavelina, salto de lonxitude ou peso. Eran algunhas das probas de atletismo coas que pais e nais participaban nunhas olimpíadas moi especiais, que se organizaban na tarde do 21 de xuño por parte das Escolas Deportivas de Trives.
Esta proposta atlética desenvolvíase no campo de fútbol de O Agro e nela participaban tamén os máis pequenos. “As risas estiveron presentes en todo momento e a unión e convivencia entre todos foi o mellor xeito de iniciar os festexos de fin de curso de atletismo nas Escolas Deportivas do Concello”, tal e como se informa dende esta entidade.
Fotos: Concello de Trives.