Publicidade
ConcellosÚltima hora

Once empresas presentan ofertas para a mellora de dúas estradas de Carballeda de Valdeorras

Esta actuación nas vías autonómicas OU-122 e OU-123 foi licitada por máis de 1 millóns de euros e o obxectivo é acometer as obras este mesmo ano 2020

Imaxe do firme dunha das estradas nas que vai intervir./ Foto: Carlos G. Hervella.

 

Un total de once empresas veñen de presentar as súas ofertas para executar as obras de mellora do firme nas estradas autonómicas OU-122 e OU-123, ao seu paso polo concello de Carballeda de Valdeorras, que foron licitadas por máis de 1 millón de euros, tal e como se informa dende a Consellería de Infraestruturas e Mobilidade. Esta actuación conta cun prazo de execución de 6 meses e o obxectivo é acometer os traballos neste mesmo ano 2020.

A intervención comprenderá obras na estrada OU-122, desde o punto quilométrico 16+400 ata o final da estrada na fronteira coa provincia de León, no 26+260; e na estrada OU-123 ao completo, desde a mesma OU-122 a Casaio.

Os traballos obxecto deste contrato “prevén actuar en todo o ancho da plataforma das dúas estradas e consisten na mellora do estado dos firmes, con saneos profundos alí onde sexa necesario, limpeza de gabias e reperfilado de noiros. As obras incluirán o repintado da sinalización horizontal e reposición da sinalización vertical e balizamento”, tal e como indica a consellería.

Con esta actuación, intervirase nos treitos que soportan o tráfico de vehículos de grande tonelaxe que acceden ás canteiras de lousa de Carballeda de Valdeorras, polo que o firme sofre importantes cargas que obrigan a actuar sobre el para rehabilitalo. “Trátase, polo tanto, dunha intervención que vai máis alá das obras de mellora de firme, sendo unha actuación fundamental para a actividade económica da comarca de Valdeorras”, di Infraestruturas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close