ConcellosÚltima hora

Once voluntarios prestarán este verán os seus servizos nas actividades municipais de Quiroga

O alcalde Julio Álvarez e a concelleira de Xuventude Ana Lucía Nogueira, asinaron o acordo de colaboración cos mozos

Actuar como monitores nos campamentos de verán que o Concello puxo en marcha a primeiros de xullo (nos que hai medio cento de nenos de 4 a 12 anos) ou dar apoio nos servizos culturais e sociais do Concello. Son algúns dos labores que levan a cabo os once voluntarios que prestarán os seus servizos no desenvolvemento de actividades municipais ao longo da época estival en Quiroga, grazas un ano máis, á Consellería de Política Social a través da Dirección Xeral de Xuventude, Participación e Voluntariado e o Concello de Quiroga quen tamén fai unha aportación económica a este convenio.

A sinatura do acordo tiña lugar na mañá do 2 de agosto por parte do alcalde de Quiroga, Julio Álvarez e da concelleira de Xuventude, Ana Lucía Nogueira cos propios voluntarios.

Trátase dun Programa de Voluntariado que o Concello de Quiroga pon en marcha todos os veráns, “dirixido a estudantes que xa cursan os seus estudos universitarios mais tamén para os que aínda fan o propio na vila lucense”, explican dende o ente local. Os voluntarios, que están cubertos mediante un seguro e que non reciben ningunha compensación económica, están supervisados en todo momento polos traballadores do concello responsables de cada área na que os mozos levan a cabo o seu traballo. Unhas tarefas que lles permite adquirir novos coñecementos que aplicar á súa vida profesional e experiencia que poderán engadir ao seu curriculum.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close