A profesionalidade e unha atención especializada e personalizada son rasgos que definen a Óptica Jaled, un establecemento centrado na saúde visual e auditiva que abría as portas en 1982 na avenida Conde Fenosa do Barco. Anos despois trasladábase a un novo local no número 6 desa mesma rúa, máis amplo, que permitía mellorar o servizo aos clientes, así como incorporar equipos máis avanzados e mesmo un negocio de ortopedia. Un local que hai apenas unha semana, a piques de rematar o ano 2019 reabría as portas ao público tras unha reforma integral.
Tiraron paredes e ata o teito, unindo os dous locais (óptica e ortopedia) para lograr un espazo amplo, luminoso e moderno duns 170 metros cadrados. Nel manteñen os servizos de sempre engadindo novos equipos. Á dereita está a sección de gafas graduadas con exposición e atención personalizada; á esquerda unha ampla exposición de gafas de sol; no centro a caixa e atención ao público; e ao fondo as cabinas nas que incorporaron novos aparellos de última xeración para realizar diferentes estudos oculares: optometrías, retinografías (fondo de retina), topografía corneal (ollo seco), tensión ocular, medición das glándulas de meibomio, pupilometrías,…
Unha das seccións na que están especializados en Óptica Jaled é a de lentes progresivas, traballando con marcas como Varilux X Series, elixido produto do ano (Gran Premio a Innovación 2019), un sistema que traballan moi poucas casas. Neste apartado incorporaron ademais un Visioffice, unha máquina que estuda o movemento da mirada para conseguir unha lente progresiva aínda máis personalizada. Con respecto ás lentes de contacto traballan con diferentes casas.
Ademais de lentes de contacto, gafas de sol e graduadas de primeiras marcas (Ray-Ban, Carolina Herrera, Guess,… ) e adaptadas ao cliente, neste establecemento tamén se presta especial atención á saúde auditiva cun gabinete insonorizado para facer probas de audición e medir hipoacusias.
Jaled tamén ten unha óptica na Rúa (Progreso, 68).
Fotos: Carlos G. Hervella