EconomíaEconomíaÚltima hora

Os agricultores limiáns recibirán máis información sobre a couza da pataca por parte da Xunta

Xuntanza entre a directora xeral, Belén do Campo e o deputado popular Carlos Gómez coa técnica da asociación de empresarios gandeiros e agricultores da Limia. 

A directora xeral de Gandaría, Agricultura e Industrias Agroalimentarias, Belén do Campo, reuniuse esta tarde co deputado popular Carlos Gómez Salgado, que estivo acompañado por unha técnica da asociación de empresarios gandeiros e agricultores da Limia (Adegal).

Nesta xuntanza de traballo abordaron cuestións de actualidade e de especial interese para os agricultores da Limia. En concreto, a directora comprometeuse a celebrar proximamente unha xuntanza informativa sobre a praga da couza guatemalteca da pataca con representantes desta asociación e con produtores da comarca, a maiores das reunións previstas con representantes da Indicación Xeográfica Protexida Pataca de Galicia, tamén na Limia.

A directora xeral e o deputado autonómico coincidiron en trasladar unha mensaxe de tranquilidade sobre as garantías que existen para a comercialización e o consumo de pataca galega, que non están afectadas por este problema, localizado no norte de Galicia e en zonas fundamentalmente de autoconsumo. Estiveron de acordo, ademais, en valorar as accións informativas e de control levadas a cabo pola Consellería, así como a elevada profesionalidade dos pataqueiros da Limia á hora controlar a súa produción.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close