Abordaron cuestións relativas ás concentracións parcelarias e coa gandaría
A conselleira do Medio Rural, Ángeles Vázquez, recibiu durante a xornada de hoxe aos alcaldes dos concellos ourensáns de Trasmiras e Montederramo no seu despacho en San Caetano (Santiago de Compostela).
Por unha banda, o rexedor de Transmiras, Emilio José Pazos, transmitiulle á conselleira as inquedanzas do concello relativas ás concentracións parcelarias. Vázquez aproveitou o encontro para explicarlle como vai o proceso e tomou nota das demandas.
No caso do alcalde de Montederramo, Antonio Rodríguez, a reunión con Vázquez tamén xirou en torno aos procesos das concentracións parcelarias, aínda que tamén se debateron outros temas relacionados coa gandaría.