Nela participaban os alumnos do primeiro ciclo de educación primaria este colexio barquense, xunto con oito profesores
A alta montaña ourensá era o destino da excursión de fin de curso que realizaba o primeiro ciclo de educación primaria do CEIP Julio Gurriarán do Barco. Un grupo duns 70 alumnos e oito profesores participaban nesta viaxe, que tiña lugar o 13 de xuño. O primeiro destino era a estación de montaña de Cabeza de Manzaneda, na que os alumnos de primeiro e segundo podían desfrutar con actividades como equitación, karts, tiro con arco ou co rocódromo.
Tras o xantar, a excursión seguía pola vila de Trives, con visitas ao Centro de Interpretación de Santa Leonor e á fábrica de Bicas de Trives, onde os rapaces podían coñecer o proceso de elaboración deste doce tipicamente trivés.
Fotos: Carlos G. Hervella.