En portadaGalerías de fotosSanidadeÚltima hora

Os alumnos do CEIP Manuel Respino da Rúa aprenden primeiros auxilios xogando

Os cursos de 3º e 4º de Primaria participaban no obradoiro “Pupas, sustos e outros desgustos”, que desenvolve a EOXI de Ourense en diferentes centros da provincia

Que se pode facer ante un golpe na cabeza, un atragantamento, un corte, a mordura dun animal ou unha queimadura se non hai un adulto preto ao que recurrir. Isto é o que aprendían os alumnos de 3º e 4º de primaria do CEIP Manuel Respino da Rúa durante o obradoiro de primeiros auxilios “Pupas, sustos e outros desgustos”, que impartía na mañá do 10 de xuño Verónica Civeira, enfermeira do Carballiño e promotora do programa.

O obradoiro permite que os cativos sexan capaces de recoñecer e actuar ante unha situación de emerxencia, así como a responsabilizarse do autocoidado da súa saúde, perdendo o medo ante situacións da vida diaria. Tamén para que saiban cando e como alertar aos servizos sanitarios ante unha emerxencia, así como para actuar inmediatamente”, explican dende a Xerencia de Xestión Integrada de Ourense, organizadora da actividade.

No centro rues facíanse dos grupos nos que participaban medio cento de escolares, o primeiro ás 10h. e o segundo as 12h. A formación, na que tamén se contaba co apoio de varias enfermeiras de Atención Primaria de Valdeorras e dunha médico do PAC do Barco, constaba de dúas partes. A primeira era máis teórica con explicacións orais e tamén con proxeccións adaptadas para nenos, nas que se abordaban cuestións como que é a febre ou unha gastroenterite e como se debe actuar nesa situación.

Tamén aprendían a diferenciar os diversos tipos de feridas que hai (golpes, cortes, mordeduras de animais, queimaduras…) e como deben tratarse en cada caso, o que se fai ben e o que se fai mal. Cada explicación ía acompañada dun xogo práctico para que os nenos memorizasen o que se debe facer.

Nunha segunda parte do obradoiro, moito máis práctica, os alumnos botando man dun peluche que traían de casa aprendían como facer a maniobra de Heimlich en caso de atrangamento. Ao final da formación, cada neno recibía o seu diploma.

Este programa, que está a ter unha moi boa acollida, está a desenvolverse en diferentes centros escolares da provincia de Ourense e está previsto que continúe o vindeiro curso.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close