EconomíaEconomíaÚltima horaViticultura

Os augardentes de Godeval patrocinan o XVII Campionato galego de Coctelería

Imaxe dun expositor de augardentes de Godeval.

O vindeiro 23 de abril celebrarase en Santiago de Compostela o XVII Campionato galego de Coctelería, que será patrocinado por segundo ano consecutivo pola adega barquense Godeval e, en concreto, pola súa marca “Mosteiro de Xagoaza”. A Asociación Galega de Barmen (Agaba) organiza este campionato no que se elixirá aos mellores cocteleiros da comunidade en diferentes categorías.

Así o primeiro premio na categoría de Xoves Barmans estará patrocinado polos espirituosos que elabora esta adega valdeorresa a partir dos bagazos da variedade godello. Segundo se indica dende Godeval, con esta iniciativa preténdese “impulsar o uso dos augardentes e licores no mundo da coctelería. Proba diso é a inclusión de cocteleiros nos eventos que estamos organizando, últimamente, na adega”.

 

 

Os augardentes e licores marca “Mosteiro de Xagoaza” están amparados polo Consello Regulador de Oruxo de Galicia, e teñen colleitado diferentes premios e altas puntuaciones nas guías de expertos do sector. Godeval elabora augardente branca, licor de herbas, licor café e un augardente envellecido en barricas de roble durante 12 anos. Todas elas coa marca “Mosteiro de Xagoaza”, en lembranza do lugar no que se fan estes espirituosos.

 

Fotos cedidas.

Artigos relacionados

Back to top button