DeportesGalerías de fotosÚltima hora

Os cadetes e os infantís do C.D. Rúa inauguran a tempada en casa con sendas vitorias

Os primeiros goleaban 7-2 ao Arenteiro e os pequenos ganaban 2-1 á UD Ourense

O C.D. Rúa non podía comezar de mellor forma a tempada oficial en casa: con dous partidos da base e con sendas vitorias. Os primeiros en estrear o campo Vicente Solarat Maceda na liga 2019/2020 eran os cadetes que adestra Berto, que saltaban ao terreo de xogo ás 11 da mañá do 7 de setembro para enfrontarse aos rapaces do C.D. Arenteiro que apenas tiveron opcións, rematando o encontro co 7-2 no marcador.

Pola tarde tocáballe o turno aos infantís que levan este ano Sabela e Juan Carlos, a maioría recén ascendidos do equipo alevín, que se enfrontaban á UD Ourense, superior en canto a tamaño. Mais pouco importou a diferenza de estatura ou a falta de experiencia e malia ser os ourensáns os que se adiantaban no marcador, os rueses eran capaces de darlle a volta ao marcador vencendo 2-1 (goles de Berto).

Mañá será a quenda para o equipo sénior que este ano está ás ordes de Luis María Ferrer. A partir das 18h. comezará a liga enfrontándose ao SP Vilamarín.

As primeiras imaxes da galería corresponden ao partido dos cadetes e as últimas ao dos infantís.

Fotos: Mónica G. Bellver.

Artigos relacionados

Back to top button
Close