Terá lugar o vindeiro sábado 27 de xullo e está promovida polo clube Portamiñá e a empresa CCNorte
A travesía de natación A Heroica terá lugar nos Canóns do Sil o vindeiro sábado 27 de xullo. Esta proba prevé acoller a máis de 700 deportistas que participarán nas probas de 10.000, 5.000, 2.500 ou 600m.
Esta travesía está organizada polo clube de natación Portamiñá e a empresa CCNorte e destaca polas condicións de tranquilidade nas augas e temperatura ideal para este tipo de competicións. Ademais, é unha das probas con máis afluencia das que forman parte da Copa de España de Natación.