Os cantos de taberna abrirán o X Entroido de Verán de Trives

Oito grupos participarán nesta cita que enceta o programa da Mostra de Patrimonio Inmaterial trivesa, promovida do 10 ao 12 de agosto pola Asociación Cultural A Caniceira

Edición anterior dos Cantos de Taberna en Trives./ Foto: Carlos G. Hervella.

Entre instrumentos, moita música e cantos polos diferentes establecementos de hostalaría de Trives comezará na tarde deste venres 11 de agosto a décima edición da Mostra do Patrimonio Inmaterial-Entroido de Verán, que organiza a Asociación Cultural A Caniceira. Un total de oito grupos reuniranse ás 20h. na praza do Pilón para sumarse a un percorrido musical por unha ducia de locais triveses: O Lar de Alicia, San Martín, O Cafeto, Troula, Quintela, O Bodegón, Sky, Paíño, Manolo’s, Boliche e A Cantina do Catro.

De seguro encheranse de xente coa música, o humor e o bo ambiente creado polas Macizas Centrais, Os Trabazos, San Nordés, Los Mariachis Locos, Rondalla Esmorga, Son do Bibei, Os Tabernícolas e Nova Era. Os IX Cantos de Taberna continuarán ata a madrugada.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies