Soben as cifras de positivos de Covid-19 nos centros educativos de Valdeorras. Fronte aos 3 casos que se rexistraban onte (1 no CPI Tomás Terrón Mendaña de Sobradelo, 1 no CEIP Condesa Fenosa e 1 no CEIP Julio Gurriarán), no listado da Xunta de Galicia deste sábado 10 de abril figuran 8 positivos.
Así, o CPI Tomás Terrón Mendaña continúa con 1 positivo; mentres no CEIP Condesa de Fenosa do Barco aparecen 5 positivos, sen embargo, neste centro barquense neste momento só teñen coñecemento de catro casos, comunicados a través da plataforma Educovid, tal e como se confirma dende a súa dirección.
Tamén entra no listado de positivos o IES Lauro Olmo do Barco, con 1 positivo; mentres o CEIP Julio Gurriarán do Barco segue con 1 positivo, trátase dun “alumno que se contaxiou durante as vacacións, e cando saíu positivo, xa non se incorporou ás clases, despois da Semana Santa, polo que Sanidade non aplicou ningún tipo de medida”, indican dende o colexio.
En total na provincia de ourense son 18 os casos activos de Covid en centros educativos, seguindo os datos do listado emitido este sábado pola Xunta de Galicia.
