DeportesGalerías de fotosÚltima hora

Os ciclistas da II Pilgrim Race chegan a Valdeorras

A quinta etapa da proba polas sendas do Camiño de Santiago desenvolveuse entre Astorga e Vilamartín

Despois de catro duras etapas de competición dende Madrid ata Sahagún, os máis de 150 participantes na II edición da Gaes Pilgrim Race iniciaban a primeira das tres de “experiencia” xa fóra de competición, para desfrutar da paisaxe do Camiño de Inverno.

Así, entre as sete e media e as oito e media a mañá do 5 de xullo, os participantes nesta aventura en bicicleta de montaña que transcorre polas sendas do Camiño de Santiago, partían rumbo á meta en Vilamartín de Valdeorras. Por diante tiñan 114 quilómetros que os ciclistas tomaron con calma, facendo paradas (moitos tomaron un aperitivo no Barco) para descansar e “desfrutar do camiño”. Así pois, pasaban das dúas da tarde cando comezaban a chegar os corredores que ían entrando en meta de forma progresiva, sen presa, na área recreativa do Bañadoiro. Entre eles os valdeorreses Víctor Fernández e José López, e a montañeira vasca Edurne Pasabán.

Despois do esforzo e antes do descanso da noite nas tendas de campaña instaladas no campo de fútbol, Vilamartín obsequiaba aos deportistas chegados dende diferentes partes de España, cunha pequena festa de benvida.

Mañá, a II Gaes Pilgrim Race partirá cedo rumbo á sexta etapa entre Vilamartín de Valdeorras e Chantada. A última, de Chantada a Santiago será o sábado 7 de xullo.

Fotos: Mónica G. Bellver excepto as dúas últimas que son cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close