ConcellosGalerías de fotosÚltima hora

Os concellos valdeorreses únense contra a violencia de xénero

O Barco, A Rúa, Petín, Vilamartín e Viana lanzan unha programación conxunta de actividades para visibilizar esta problemática e sensibilizar á poboación sobre ela

Co lema de “Valdeorras en negro” esta comarca ourensá desenvolverá do 21 ao 27 de novembro un variado completo de actividades con motivo da celebración do “Día Internacional para a erradicación da violencia contra as mulleres”, o 25 de novembro. A iniciativa está impulsada dende os concellos do Barco, A Rúa, Vilamartín e Petín, e ela tamén se sumaba o de Viana do Bolo. Ademais nela tamén se teñen implicado o sector comercio, a través da Asociación Empresarial de Valdeorras (AEVA), e a educación, concretamente a través dos centros públicos do Barco, A Rúa, Vilamartín e Rubiá.

En cada destes municipios exhibiranse camisetas negras co lema “Valdeorras en negro” no comercio, locais de restauración e administracións públicas e docentes. “A través desta iniciativa queremos pronunciarnos e saír á rúa a pór en evidencia e visualizar a conmemoración do Día contra a violencia contra as mulleres. Nesta iniciativa convidouse aos concellos de toda a zona e tamén aos empresarios e aos colexios para que se adheriran. A través do programa tamén queremos chamar á poboación a participar e a que o 25 de novembro vista a camiseta negra da campaña, repartíronse 1.100 camisetas nos diferentes concellos e, se non a teñen, que poñan unha camiseta negra”, aseguraba o concelleiro de Servizos Sociais do Barco no acto de presentación da campaña, ao que tamén asistían a alcaldesa da Rúa, María González; a tenente de alcalde de Vilamartín, Amparo Rodríguez, así como as concelleiras Teresa Valcarce, de Petín, e Ana Vizcaya, da Rúa.

O programa inclúe unha concentración no mediodía do 25 de novembro na prazas dos concellos participantes, coa lectura dun manifesto contra a violencia de xénero, así como actividades nos centros escolares ao longo desa semana. A rexedora da Rúa, María González Albert, facía fincapé na relevancia desa data e na idea de colaboración entre os concellos para celebrar esta campaña conxunta e para que a sociedade visualice esta problemática.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close