EconomíaEconomíaÚltima hora

Os concesionarios ourensáns reciben un premio pola súa labor solidaria

O premio, a nivel nacional, veulle dado por destinar a Cáritas unha porcentaxe das vendas rexistradas durante o último Salón do Vehículo novo e usado
O galardón foi recibido por Gerardo Aragonés e Santiago Garza.

A Asociación de Concesionarios de Automóbiles de Ourense (Acauto) recibiu onte en Madrid o premio “Automóvil Social”, dotado con 4.000 euros, que concede Faconauto, a organización que agrupa ás asociacións de concesionarios oficiais das marcas automobilísticas, vehículos industriais e maquinaria agrícola presentes no mercado español.

Acauto optaba a este galardón pola súa acción solidaria levada a cabo durante a última edición do Salón de Vehículos Novos e Usados que tivo lugar en Expourense entre os días 18 e 20 de novembro para os novos e 25 e 27 do mesmo mes para os usados. A iniciativa consistiu en destinar 15 euros a fines sociais por cada vehículo que se vendese durante o certame. A altruísta decisión permitiu recadar 5.610 euros, que foron entregados a Cáritas Diocesana de Ourense o 21 de decembro.

Asómesmo, dentro do mesmo certame, Acato sufragou o custo dos adhesivos e das “follas de ruta” (plano do vehículo que facilitaría o traballo dos bombeiros no caso de ser necesaria unha excarceración), que a ONG Stop Accidentes repartiu a todos os visitantes do mesmo. Ademais, Acauto cedeu gratuitamente senllos stands aos organizadores asistencionais para que puidesen explicara súa labor aos máis de 15.000 visitante que pasaron por Expourense durante o Salón.

O premio foi recollido por Gerardo Aragonés e Santiago Garza, vicepresidente e tesoureiro de Acauto, respectivamente.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close