Galerías de fotosOurenseÚltima hora

Os desafíos do sector vitivinícola ourensán, analizados polo Foro Económico de Galicia

O informe desta entidade amosa que esta industria constitúe un sector estratéxico para a economía galega non só polo seu peso económico, senón tamén pola súa dimensión social, cultural e medioambiental

Os principais retos do sector vitivinícola galego pasan polo aumento do tamaño das explotacións, o fomento da profesionalidade, a xeración de sinerxías con outros eidos (turismo e gastronomía, fundamentalmente) e por apostar por un modelo de negocio de xeración de valor baseado en diferenciación, calidade e singularidade. Así o resumía o conselleiro do Medio Rural, José González, na presentación na mañá do 25 de xaneiro en Ourense do informe do Foro Económico de Galicia sobre a planificación e proxección do sector do viño na comunicado, elaborado por José Francisco Armesto e Patricio Sánchez.

O estudo amosa que a industria vitivinícola constitúe un sector estratéxico para a economía galega non só polo seu peso económico, senón tamén pola súa dimensión social, cultural e medioambiental. Galicia conta con cinco das 90 denominacións de orixe existentes en España, catro delas (Valdeorras, Ribeiro, Monterrei e Ribeira Sacra) concentradas na provincia de Ourense (unha compartida con Lugo).

En relación co obxectivo de profesionalizar o sector, o titular de Medio Rural explicou que cómpre incorporar xente nova á actividade e mellorar a dinámica innovadora e outros ámbitos claves, como a comercialización e a internacionalización deste eido produtivo.

Neste documento do Foro Económico defínese o mundo do viño como un sector tradicional, que malia esta consideración non deixou de innovar para adaptarse aos cambios nos patróns de produción e consumo. Neste proceso tiveron un papel fundamental os consellos reguladores das denominacións de orixe, en especial no que atinxe á identificación da orixe xeográfica dos viños, o recoñecemento do produto polos consumidores e a garantía da súa calidade.

O estudo conclúe tamén que o sector galego debe aproveitar a posición de liderado de España en volume de exportacións, pero mellorando no eido dos prezos a través da aposta pola calidade. Nesta liña, o conselleiro indicou que Galicia presenta un escenario produtivo tradicional, que ten aspectos positivos, como a aposta pola calidade, singularidade e sustentabilidade ambiental como piares para o incremento do valor e a expansión cara novos mercados.

Camiños rurais

Antes desta presentación, o conselleiro e o alcalde de Ourense, Xesús Vázquez, mantiveron unha xuntanza de traballo na que abordaron, entre outros temas, o da mellora das infraestruturas rurais. De feito, a estadía de José González en Ourense completouse cunha visita ao camiño das Regueiras, que está a ser obxecto de mellora dentro do Plan de Infraestruturas Rurais (PIR) da consellería correspondente a 2018. Esta iniciativa en particular suporá un investimento por parte de Medio Rural que supera os 26.000 euros e intégrase no conxunto de actuacións do PIR en Ourense, que contará cunha achega total de máis de 88.000 euros.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close